Jar-û Diyar

X. Çelker/

Eşed Se Yên? 

"Mordemo ke ebe xo nêzano eşeda xo biya ro we, bıcerebno ke jüyê de bini sebeta cenet şiyene bıkışo, mordem êyra çı pac kero?"

---------------------------------

Eşed se yên?

 Waxt waxtê Tertelê Hermeniano.

Wus be Hesi Çewlig raê, bıraê juminiyê. Dewleta Osmani ferman veto, Hermenia qır kenê.

Ä°mami camiye de waaz do, vato:

- Kam ke hawt kafıra bıkışo, a dina de caê xo ceneto.

 

Ê Hes u Wusi ki dewa xode, namê xo Puluto, jü ciranê de xuyo Hermeni biyo. Ina zaf cat kerdo, hona ke kesi Puluto nêkişto, ebe xo şorê êy bıkışê, wa wairê xêre bê ke, şorê bıresê cenet.

Axiri şiyê çê Pulutoy, xo resno cı; Hesi zani no be sênê Pulutoy ser, kardi şana cı, vato:

- Ezim Ellay ez to kiÅŸen, eÅŸed xo biya!

 

Hes Pulutoy xora kışeno, hêni vato ke, wa Puluto bê din u iman meşoro a dina, bêro dinê Musılmanêni ser ke, Hesi rê raa ceneti ya bo.

Waxto ke Hes Pulutoy ra vano, "eşed xo biya", Pulutowo feqiro ki zonê Hesi muso, cıra vano:

- La Heso! ez tawa zan eşed çıka!, tı vac, eşed se yên, ez to dım van!

 

Verhasıl, Hes goş nano re xo ser, xobexo vano, la na eşed se yên? Kardi dest de, serê xo çarneno re bıraê xo Wusi, vano:

- La Wus! Ero eşed se yên?

 

Wus ki nêzano eşede se êna vatene!.. Ebe na qeyde Pulutoy verdanê ra; Puluto mal u mılkê xo ca verdano, kuno rae...

 

Mordemo ke ebe xo nêzano eşeda xo biya ro we, bıcerebno ke jüyê de bini sebeta cenet şiyene bıkışo, mordem êyra çı pac kero?

 

Se vacime?

Kami ra lom bıkerime?

 

Na nêzanaene, aqıl u fam ra duri biyene, xo u ciranê xode haşt nêbiyaene çıxa çetına!

 

Ya Wair! Na sera xuya newiye de haştiye be têduştiye nesibê qom u qebili be der  u cirana ke.

18.05.2007

X. Çelker