Jar-û Diyar

Êli Bıra/

 TEXT u BEXT

Mı araqê çarê xo ramıto, çinıto
Hata nıka bınê keşî nêkınıto
Thomırê cemê heqiyê cınıto”

Sey Qaji

TEXT u BEXT

Roc u waxtê xo ke amê, ‘mordem’ uyo ke: textê xo bırıcno, bextê xo merıcno.

Kamo ke heşneno, gere ke na qesa goşare kero, qoşê xo kero.

Guman ken ke waştena pi u khalıki na biya.

Hêni aseno ke, na vatene ra zaf kesa, xorê parê be hesa nêbırna ra.

Şarê ma dest de textê çino.

No thalde niyo, ayano.

Onciya ki kam vineno, ya ki nêvineno, a ki meselê de bina.
Hama xêlê kes u kusê ma ‘tac’ u ‘text’ê şarê teberi rê xızmekaro.
Heya raştê ra ke vacime, xulamo.

Vatenê uya ke hatani mordem şari rê çımanê xo veceno, xorê, qomê xorê jü hesirê war kero.

Xêra xo ke nêresena cı, zerarê xo ki mereso cı.

Sebe dawa qomê xo ke nêşikino çiyê bıkero, mılısênia qomê xo mekero.

İlam ke, cadkerdena textê şari qorikerdene be şeveknaêne...

Xora çiyê xuyo ke dest de mendo, o ki bextê xuyo.

Gere mordem xorê bêbext nêbo.

Her kes zano ke, kamo ke xorê bebexto, xêrê xo nêreseno xo, o kes şar u kesanê binarê ki bê xêr u bêbexto.

Serrê zerriya made dırveta ma jan dana, decena.

Dırveta 38i ze zawtê ra, aj be aj hazarina, aj be aj jan dana.

Xızır diyağ bıde.

Kes ebe decê ma kay mekero.
Kes ebe decê ma siyaset mekero.
Kes seba hasabê xora hersatê de rêy decê ma hetê ser meonco.

Endi peğmê xo ma sera boncê, şımade qe hebe ‘isanteni’ nêmenda!
Qe ‘çım u ri’ şıma de çino?

Kamo ke xorê wairêni nêkeno, serde ki bınê xo kıneno, naleti şoro ro cı!

Kamao ke dina alemi ‘isan’ nêvineno, naleti şoro ro cı!

Kamo ke heqê heqa kesê bini xıtım keno, naleti şoro ro cı!

Kamo ke xo cor, şari xora cêr vineno, isana têdüşt nêvineno, naleti şoro ro cı!

Kamo ke xode, der u ciranê xode, heqê xode haşt niyo, naleti şora cı!

Xızır, ma u qomê ma, ra u reça xora duri mefiye.
Ma bo u xatırê ma u pi be dak u bakanê ma ver şane.
Ma bo u xatırê raa ma be gulvanga pir u rayberi ver şane.

Ma bo u xatırê masum u paka be ramaniya ver şane.

Êli Bıra

23.11.2011