Jar-û Diyar

Hasan Dewran/

KILAMÊ  "OTUZSEKIZ“

"Kılamê Tertelê Dersimi,

Kılamê Qırkerdena ma,

1938 ra na het kılamê hencıtena ma."

---------------------------------------------------

 

KILAMÊ  "OTUZSEKIZ“

 

Kılamê Tertelê Dersimi,

Kılamê Qırkerdena ma,

1938 ra na het kılamê hencıtena ma.

 

1.

Natra ardi, dotra berdi,

Sanay ho ver düri berdi.

Sıngır kerdi, sungi kerdi,

Ra u welaxu ra gındir kerdi.

Parcey kerdi, purcey kerdi,

Ağme kerdi, çağme kerdi.

Sare kerdi, çerme kerdi.

Taê merdi, taê mendi,

yiyeke mendi têsde merdi.

Yiyeke mendi gêsde merdi.

HeÅŸirende, firarende,

Efkar u tersde merdi.

2.

DE WAY, WAY

De way, way,

Derdi bi deyray.

Zerrede cigerê ma

Derdde poyay.

De way, way,

Derdi bi deyray.

Mara jar u dari

ça xonde xori hereday.

De way, way,

Derdi bi deyray.

Mara koti duri

Koyê Duzgin Bavay

Koyê Tujik Bavay.

 

De way, way,

Derdi bi deyray.

Koyê Dersim têde

Ma destra vejiyay,

Cendermê Tirki

Koyê ma mınay (miniti).

 

3.

De way, way,

Derdi bi deyray.

Welatra kerdi tever

Wa u bırayi.

Dost bervay,

Dısmeni pêro bi say.

De way, way,

Derdi bi deyray.

Ma destra vejiyay

Pul u hêgay

Mal u gay.

De way, way,

Derdi bi deyray.

Dısmeni dest u payê ma

Zumini ra gireday,

Welatra duri rusnay.

 

De way, way,

Derdi bi deyray.

Domonê ma ewru

Tersde qırfay,

Mirçıkê ma tersu ver

hetera peqay.

 

De way, way,

Derdi bi deyray.

Zerrede cigerê ma

Derdde poyay.

 

 

Hasan Dewran

(Na kılami 1988 Pêsoroka PİYA de vejiyay.)