Jar-û Diyar

Sait Çiya/ Ciranêni

"Gul u vilıki rewinê

Vengê vai ke mebo

Ma nêzonenimi ke

Astê khalık u prikunê ma koti de rê"

 

----------------------------------

Ciranêni

 

Hazar serriyo têkaleke de

Hazar serriyo bınê ju asmêni de

Awa çemunê ma kunê têzerre

Xuṣenê, pheldanê, tırro sonê

Ju perda ra kılamu vanê

 

Hazar serriyo ciranime

Dina u alemi naskenê

Çar kıtabi, çewres rai musai

Hazar serri vêrdi ra

Hetê ma ra çekuyê nêmusai

 

Ala niade, çiyo ke ez vanune

Korr niyê, kher niyê

Guçıkê dina de dür niyê

Honde helme necdiyê

Oncia ki dina ciranu de çinime

 

Çiyo ke çino

Sero qesey nêbeno

Çiyo ke çino

Ciran ki nêbeno

 

Ciranenê

Ma re nusxa menusne rê

Era ma rae salıx mede rê

Qalê ciranêni, mordemêni,

Vızêr, ewro, meste,

Nêzon hona çı sero qesey mekerê

Ni vateni pêro hêç u puçiyê

Vınderê, her çi têmiyani mekerê

 

Sıma xamê derd u decunê maê

Naver-bover de nisenê ro

Phoṣta sıma qaim

Sunıka sıma hurêndi de ra

Hata be mezelunê sıma de

Gul u vilıki rewinê

Vengê vai ke mebo

Ma nêzonenimi ke

Astê khalık u prikunê ma koti de rê

 

Heya her çi sıma dest de ro

Mevace ke xebera ma çina

Persu re cuabê sıma

Derdu re nusxa sıma esto

Caverdê, ni têdine caverdê

Ala reê vacê, ma ki bızonime

Hazar serriyo têkaleke de nisenime ro

Hazar serriyo themburê ma naleno, norneno

Ça çekuyê nêkuna gosunê sıma

Dê reê vacê, vacê ke

Ma ki bızonime.

Sait Çiya