KIRMANCKİ (DIMILİ) Çımunê Xo Weke, Bêra Xo
| Çımunê Xo Weke, Bêra Xo |
|
"Bımbarek, teyna gereci mebe… Çımunê xo weke, bêra xo!!" ------------------------------------------------------ Çımunê Xo Weke, Bêra Xo Ewro kay u kelevet de ra, hona ferq de nia Dina çinêbiyaiya, keṣ dê nina Lerze bıke, hona ke her çi to dest ra nêveto Bımbarek, teyna gereci mebe… Çımunê xo weke, bêra xo!! Jü lınge bêrze, jü lınge, çiyê bıke.. serva zonê xo.
Xo baqıl vinena, hama xêĝêni eve perre niya Sarr eve dek u dolavıno, insoni jê koy pızqnêno Jê vore vılesnêno ro, jê awa serdıne sımeno kamiya to, to ra tırta, zonê to bınê lıngu dero! Bımbarek, teyna gereci mebe… Çımunê xo weke, bêra xo!! Jü lınge bêrze, jü lınge, çiyê bıke.. serva zonê xo.
To ra van; jê morunê korru dormê ro to gureto To vırên de nanê ro ostori, dadıma heri, kenê zerrê qısawetu Tı ke cı rê xızmekar be, onca ki serva to thowa çino! Haydarê xo vınde! Danê to de, hama apsu to dero! Reyê xo bıçarne nia de, asmêno ke helmê tiji cı ra yeno Eve hazar astaruno, sewqê her jü serva xuyo. Bımbarek, teyna gereci mebe… Çımunê xo weke, bêra xo!! Jü lınge bêrze, jü lınge, çiyê bıke.. serva zonê xo.
Dawa hêçê ra xo megoyne, mexezelne, gınena waro! Fıkrê to refudê toz gureto, endi key yena ra xo Vengê to bıvejiyo, dewru lete kero, sero xıl do Cı rê wayır vejiye, raxeleṣiyo, ṣuaru de vind mebo, zonê to!! Bımbarek, teyna gereci mebe… Çımunê xo weke, bêra xo!! Jü lınge bêrze, jü lınge, çiyê bıke.. serva zonê xo.
11 -10 - 2011 Berfin JELE |
Berfin Jêle/Çımunê Xo Weke, Bêra Xo
.jpg "FATOSA KHEKÊ BOLÊ KHIRTİ ŞİYE HEQİYA XO.")
Yorumlar
weşiyê, zof zalaliyê, zof raştiyê. Wes bo şaira ma Jêle. Koyê Ana Jêle, şaira ma Jêle re her daim wayır vo.
Niade şaira ma se vana:
"Tu jê vore vılesnêno ro, jê awa serdıne sımeno,
kamiya to, to ra tırta, zonê to bınê lıngu dero!"
Jê vore vılesnêno ro, jê awa serdıne sımeno
RSS beslemesi, bu iletideki yorumlar için.