Jar-û Diyar

Cengiz Aslan/Teraji...

"Vera san bi. A rocı hawa zaf germı biye. Canê mı nêwast zaf dükan dı fınderi. Mı dükan da arê, perdıkı dê teraji ra," "

---------------------------------------------

 

 

Teraji...

 

Vera san bi. A rocı hawa zaf germı biye. Canê mı nêwast zaf dükan dı fınderi. Mı dükan da arê, perdıkı dê teraji ra, teraji dardwê, mı vat seri öwro tenê leo domano dı fınderi, mı reqiyê dı xo gırot şio kê, xora dükani bı keyiya têbover derê.

Mı vat

‘xanım öwro hawa germa, xorê balkon dı sımını, masa balkon dı ronı’. Xanımı bexo nêsımına. Mı dı meze çimi wena, hata pêyniyê mı dı nisenaro ki, ama sekonı reqi nêna na fekê xo ra. Sewı bi bı tari xêlê waxt şibı, domani zerrı dı bi, terebızon sêrkerdênı. Mı sêrkerd hirê teni mordemi hae amay, vêrdi ra şi, tepia gêray ya xo sıkıti hatê dükanê ma ser. Mı vat ‘xanım, ela vengê xo mevecı ni sekenê?’ Dükan ra kı bi, nejdi fek pırnıkê xo munıti, mı vat, ‘xanım, domano arêdı bınê orğani kı, ez vaci serba teraji amê dükani phıskınê’ jüe dı tomson eştibi, lêyrê kutıki lesa xo zaf dergı biye. Tersa mı, mı vat dükan kı phıskınê va bı phskınê, nê bo kı teraji xo dı berê. Xanımı domani day arê kerdi bınê orğani amê, mı bı xanıma xo na ro, ino ro sêrkenimı. Xêlê kı ma pit, tepia verdi ra şi.

Mı vat,

 

‘Tamam xanım, nino teraji berd’. Xanımı vat,

‘Metersı! Ez vaci nêkuti dükan’. Mı vat,

‘Êxpaldı xanım’. Lêla vêştimı ra ez vasto dükan. Şiyo kı çı seri, ekı lêyronê kutıko dêsê dükani ra ‘‘Sosyalizim Gelecek’’ yazmiskerdo, yajü zê mektubı wanino. Ez a tırrısa qif şiyo qewa. Şiyo kı çı seri, ekı Almania ra mordemê ma Ali Çiftligı bı lacê xuya ki amê, hae ica dı. Lacê xo çenday ser ra o Almania dero, Malbora sımıno, zırto, hergo baji niyao, tı qayil nêbenay têy sêrkerê. Ma kı tenê nata - bota, pêrşi merşi kêrdi, mı vat ‘Almania senên memleketo Ali?’

Ali vat,

 

‘Almania sanayi bölgesiya, hano lacêk Almania dı se kilo darenowê’. İy ki mı ra pers kerd,

‘Ma ni cay seneni Hemed’? vat. Mı vat,

‘Ni cay ki zarzawat bölgesiyi Ali’. Hama mı vat,

‘Ali mı tı baqıl mordem zanênı, nêe, ê to ki emego thalo’.

‘Ero çay Hemed’? vat. Mı vat,

 

‘Nê lao sandı amay çı ardi dükanê ma ser’ narê gêroya laci, mı vat ‘hey eşek herif vanê tı Almania dı se kilo darenaywê. Nê lao se ver ra phoncas wadarı, hae vızeri desê dükani ra yazmiskerdê vanê ‘‘Sosyalizim gelecek’’ ula oğlım se kilo ver ra phoncas wadarı, phoncas çıkê to rê bes niyo? Nıka sodıra Sosyalizim kı ama, to ra genê danê i bini’ laceki ven nêkerd. Mı Ali Çiftligi bı lacia xo dı gıroti ardi kê, mı vat öwro mêymanê mı bê. Amaymı kı masa mı oncia ronaiya.

Mı vat,

 

‘Xanım çımê to roştibê teraji nêberdê’ Xanımı,

‘Çae êmı, va çımê to roştibê mêrık’ vat. Mı vat,

‘Xanım berı öwro ki masa mı balkon dı ronı, ebı mêymanon’a xorê balkon dı bısımı mı. Sodıra nêsonı guri. Xora hae desê ma ra yazmis kerdê, vanê ‘‘Sosyalizim Gelecek’’ sêbiyo biyo, sosyalizim kı ama ma ra gênê danê i bini, hini nia Ali? Ali vat ‘ulı Hemed raşti vanay, tersê mı, ez vaci Sosyalizim kı ama emegê mı bı tüya ortı dı sêro’...

 

Cengiz Aslan